Dje rreth orës 15:15, në rrugën ‘’Xheva e Fehmi Lladrovci” në Skënderaj, ka ndodhur një rrahje, ku sipas viktimave motivi i incidentit ka qenë një mosmarrëveshje në trafik.

Policia njoftoi se njësitet e saj kur dolën në vendngjarje kanë takuar dy viktimat të cilët kanë marr ndihmën e parë në Qendrën e Mjekësisë Familjare dhe më pas janë dërguar në Spitalin Rajonale në Mitrovicë.

Tutje Policia njoftoi se rreth orës 17:34 ka arritur që të arrestoj personat e dyshuar F.K., 21 vjeçar; E.K., 19 vjeçar; E B., 19 vjeçar, Q. K., 22 vjeçar, dhe me urdhër të prokurorit janë liruar në procedurë të rregullt dhe ndaj tyre është iniciuar rasti  “Sulm-lëndim i rëndë trupor”.

Një tjetër rast i sulmit është regjistruar në Mitrovicë mbrëmë rreth orës 00:57. Një person është lënduar nga një mjet i fortë në afërsi të lumit Ibër. Njësitë policore kanë dal në vendngjarje dhe kanë konfirmuar se personi kishte lëndime në kokë. Sipas viktimës, atë e kanë sulmuar tre persona të.

Në vendin e ngjarjes kanë dal edhe Hetuesit e Sektorit Rajonal në Mitrovicë, dhe kanë kryer vend-shiqimin, ku janë gjetur 5 fishek të pa-shkrepur të kalibrit 6mm të cilët janë marr si prova materiale.

Viktima, sipas Policisë, është dërguar në Spitalin Rajonale Mitrovicë, dhe është jashtë rrezikut për jetë.

Me urdhër të prokurorit është iniciuar rasti  “Vrasje në tentativë”.