Vuçiq: Kosova nuk do që ta formojë Asociacionin, por do konflikt
(Lajm i përditsuar)
“Prishtina nuk dëshiron të formojë Asociacionin e Komunave me Shumicë Serbe në Kosovë edhe pse kjo ishte paraparë me Marrëveshjen e Brukselit në vitin 2013, por do vetëm të provokojë një konflikt lufte dhe që Serbinë ta konfliktuojë me NATO-n dhe gjithë botën si dhe që ata të prezantohen si viktima dhe Zelenski ballkanik”, tha presidenti serb Vuçiq në Kuvendin e Serbisë në një seancë të jashtëzakonshme për Kosovën, njoftojnë mediat serbe.
Vuçiq tha se “regjimi” në Prishtinë filloi të “maltretojë serbët në Kosovë vetëm me qëllim që t’i poshtërojë ata dhe të provokojë një konflikt”.
“Pas vendosjes së barrikadave qëllimi i tyre i vetëm, pasi nuk e kanë ndërmend të zbatojnë Asociacionin, është të provokojnë luftë, ta fusin Serbinë në konflikt me NATO-n dhe gjithë botën dhe të paraqiten si viktima dhe të Zelenskit ballkanik kurse neve si agresorë, si dikush që ka kërcënuar – shih hipokrizinë – “integritetin territorial të shtetit sovran dhe të pavarur të Kosovës”, tha Vuçiq.
Vuçiq në Kuvendin e Serbisë për dialogun me Kosovën
Deputetët e Kuvendit të Serbisë kanë nisur seancën e jashtëzakonshme, në të cilën presidenti i Serbisë, Aleksandar Vuçiq, ka nisur prezantimin e Raportit për procesin e negociatave me Kosovën. Raportin zyrtarisht deputetëve ia ka dorëzuar Qeveria e Serbisë, e ashtuquajtura Zyra për Kosovën si dhe Zyra pak e njohur për Çështje Koordinuese në procesin e negociatave me Kosovën.
Vuçiqi tha të mërkurën se nuk po ikën askund dhe se nuk e ka problem të dalë para popullit të tij dhe parlamentit për t’iu përgjigjur të gjithëve.
“Do t’u përgjigjem të gjithëve, pa arsyetim, sepse ne luftojmë për vendin tonë më shumë se sa luftoi opozita aktuale. Njerëzit e ndershëm, të përgjegjshëm dhe seriozë dinë të përgjigjen politikisht”, ka thënë Vuçiqi në përgjigje të pyetjeve për seancën e Kuvendit ku do të shqyrtohet raporti për Kosovën.
Parlamenti serb nis seancën e jashtëzakonshme për Kosovën
Deputetët e Kuvendit të Serbisë nisin sot një seancë të re të jashtëzakonshme, ku presidenti i Serbisë, Aleksandar Vuçiq, do të prezantojë Raportin për procesin e negociatave me Kosovën.
Raportin zyrtarisht deputetëve iu ka dorëzuar Qeveria e Serbisë, e ashtuquajtura Zyrë për Kosovën si dhe Zyra, më pak e njohur, për Çështje Koordinuese në procesin e negociatave me Kosovën.
Raporti paraqet një sërë aktivitetesh në proces, si dhe një përmbledhje të situatës sipas temave, ndër të cilat janë komuniteti i komunave serbe, policia, gjyqësori, energjia, integrimet evropiane dhe tema të shumta të tjera. Nga gjithsej 40 faqe, 15 të parat janë një hyrje që radhit atë që është bërë në vitet e fundit.
Në pjesën ku analizohet seksioni i partive, kur bëhet fjalë për Bashkimin e Komunave Serbe, thuhet se as në këtë periudhë raportuese nuk ka pasur zhvillime formale. Nuk ka progres as në fushën e policisë, problemi i gjyqësorit ka vazhduar, me faktin se tani është edhe më keq, sepse serbët, siç thuhet, “përkohësisht janë larguar nga institucionet”, dhe raporti. gjithashtu rendit shembuj të shumtë të praktikave të këqija. Është përmendur një progres i vogël në energjetikë, nuk ka përparim në integrimet evropiane për shkak të, siç u tha, pengimit të Prishtinës “që e thelloi krizën”, nuk ka përparim në kadastër, regjistra, Prishtina shkel dispozitat për vula, marrëveshja për diploma u bllokua dhe nuk u miratua as një deklaratë për personat e zhdukur. Dhe në të gjitha fushat e tjera, Beogradi bëri gjithçka për të zbatuar marrëveshjen, thuhet në raport, me shembuj të shumtë të shkeljeve nga Prishtina.
Më herët është bërë e ditur se presidenti i Serbisë, Aleksandar Vuçiq, do të diskutojë me deputetët për të ashtuquajturin “propozim franko-gjerman”, për të cilin Serbia duhet të deklarohet. Disa parti opozitare kërkuan nga Vuçiq që t’ua dorëzojë atë propozim dhe ta bëjë objekt diskutimi, por tani për tani ai dokument nuk ka hyrë në procedurë dhe në dokumentet që do t’u prezantohen deputetëve nuk ka të dhëna për ndonjë plan./21Media