Vuçiq nga Mynihu: Takimi me Borrellin ishte i vështirë, u qortuam

18 Shkurt, 2023Përditesimi i fundit: 18 Shkurt, 2023

Presidenti i Serbisë, Aleksandar Vuçiq, ka thënë t nga Mynihu se ka pasur shumë takime të rëndësishme në kuadër të Konferencës së Sigurisë që po zhvillohet atje, duke shtuar se takimi me Përfaqësuesin e Lartë të Bashkimit Evropian për Politikë të Jashtme dhe Siguri, Josep Borrell ka qenë i vështirë.
“Ne u qortuam që nuk vendosëm sanksione kundër Federatës Ruse. Ne diskutuam edhe për përgatitjen e bisedimeve të mundshme me Kurtin, thashë se jam gjithmonë i gatshëm për bisedime. Serbia kurrë nuk i është shmangur dialogut”, ka thënë Vuçiqi për TV PINK
Vuçiqi ka shtuar se i pyetur nga Borrelli nëse është optimist për këto bisedime, ai është përgjigjur se “nuk është optimist duke e njohur Kurtin dhe Prishtinën”.
Presidenti i Serbisë shtoi se Konferenca e Mynihut është bërë e tillë që më së shumti diskutohet për politikën dhe se Ukraina është një temë e nxehtë.
Ai shtoi se ishte mirë që delegacioni i Serbisë ishte në takim për shkak të pranisë së përfaqësuesve të Prishtinës.
“Kurti dhe Osmani janë këtu, është mirë që janë edhe përfaqësuesit e Serbisë”, ka thënë Vuçiq.
11: 40-Borrelli i kërkon Vuçiqit avancim për planin franko-gjerman
Shefi i Politikës së Jashtme të BE-së, Joseph Borrell në margjinat e Konferencës së Mynihut është takuar me presidentin serb, Aleksandar Vuçiq.
Borrell ka njoftuar përmes një postimi në Twitter se me Vuçiq ka diskutuar për nevojën për të avancuar në Propozimin e BE-së për normalizimin e marrëdhënieve me Kosovën dhe rëndësinë e harmonizimit të Politikave të Përbashkëta të Jashtme dhe Sigurisë së Bashkimit Evropian.
“Të dyja janë kyçe për rrugën e Serbisë në BE”, ka shkruar Borrell./21Media

18 Shkurt, 2023Përditesimi i fundit: 18 Shkurt, 2023
Back to top button