VV: Krimi e korrupsioni problematikat kryesore të Kosovës, Qeveria Kurti do t’i luftojë ato

 

Lëvizja Vetëvendosje ka komentuar raportin e Departamentit amerikan të Shtetit për Kosovën.

Në një postim në Facebook kjo parti shkruan se “mungesa e investimeve dhe zhvillimit ekonomik që për shkaktar e ka klubin e stërvjetëruar politik, zgjidhjen e ka te Qeveria Kurti, e jo te diskutimet e tyre me Serbinë dhe marrëveshjet me të”.

“Krimi e korrupsioni vazhdojnë të jenë ndër problematikat kryesore të vendit dhe tashmë është dëshmuar se këto fenomene nuk mund të luftohen nga ata që vetë janë përfshirë në këto fenomene. Qeveria Kurti ka vullnetin, pastërtinë dhe guximin që të merret me këtë problem që ka mbytur shoqërinë”, thuhet në shkrimin e VV-së.