Xhaka e pranon se dëshiron t’i bashkohet Mourinhos te Roma

 

Mesfushori i Arsenalit, Granit Xhaka është krenar për interesimin e José Mourinhos dhe sugjeron që ai është i hapur për t’u bashkuar me Romën.

“Giallorossët” janë lidhur me nënshkrimin e playmakerit të “Gunners”, i cili ka edhe dy vjet në kontratën e tij aktuale me klubin nga veriu Londrës.

Sidoqoftë, 28-vjeçari sugjeroi se ai është i hapur për t’u bashkuar në verë me Romën.

“Sigurisht, edhe unë i lexova thashethemet. Por tani unë jam njëqind për qind e përqendruar në ekipin kombëtar. Kjo është më e rëndësishme se Arsenali ose thashethemet tani. Kam edhe dy vjet kontratën time në Londër. Dhe në Arsenal, ata e dinë se çfarë morën nga unë. Kur të vijë koha dhe nëse mundemi, do të flasim për një transferim.”, tha ai për “Blick”.

Xhaka u shpreh se ai është krenar që ka tërhequr interesin e Mourinhos dhe shtoi: Të gjithë e njohin atë dhe atë që ai ka arritur.

“Mourinho di si të fitojë tituj. Tani mund të shihni se çfarë pune ka bërë gjatë viteve të fundit. “, përfundoi Xhaka.