YouTube njofton kufizime për mediat shtetërore ruse

YouTube njoftoi se po bllokon menjëherë aksesin në kanalet e lidhura me mediat shtetërore ruse. Gjiganti i transmetimit të videove tha se do të bllokojë aksesin në kanalet, duke përfshirë RT dhe Sputnik.

“Udhëzimet tona të komunitetit ndalojnë përmbajtjet që mohojnë, minimizojnë ose banalizojnë ngjarje të dhunshme të dokumentuara mirë dhe ne heqim përmbajtjen në lidhje me pushtimin rus në Ukrainë që shkel këtë politikë”, tha zëdhënësi Farshad Shadloo.

“Në përputhje me këtë, në fuqi menjëherë, ne po bllokojmë gjithashtu kanalet YouTube të lidhura me mediat e financuara nga shteti ruse, në nivel global.”

Kanali kryesor i RT në YouTube kishte më shumë se 4.5 milionë abonentë përpara ndalimit, ndërsa Sputnik kishte rreth 320,000, shkruan BBC, përcjell rtv21.tv/21Media