Zbulohet emri i lojtarit që Arsenali provoi t’ia rrëmbente Barcelonës në fund të afatit kalimtar

Arsenali raportohet se u përpoq të nënshkruante me sulmuesin e Barcelonës, Ferran Torres në ditët e fundit para mbylljes së afatit kalimtar të verës, duke paraqitur një ofertë prej 30 milionë euro në tryezë për spanjollin.
22-vjeçari u transferua në “Camp Nou” nga Manchester City në janar dhe ai ishte një lojtar i rëndësishëm për ekipin katalanas në gjysmën e dytë të sezonit të kaluar, duke shënuar shtatë gola dhe duke regjistruar gjashtë asistime në 26 paraqitje.
Torres e ka pasur më të vështirë fillimin e sezonit 2022-23, duke luajtur vetëm 99 minuta në katër ndeshjet e ekipit në La Liga, për shkak të rritjes së konkurrencës në fushë.
Robert Lewandowski dhe Raphinha u ofruan gjatë verës për të forcuar sulmin, ndërsa Ansu Fati është në rrugën e tij për t’u rikthyer në formën më të mirë pas problemeve të tij me lëndimet.
Sipas “El Nacional”, në ditët e fundit të afatit kalimtar të verës, Arsenali iu afrua Barcelonës me një ofertë prej 30 milionë euro për ish-lojtarin e Valencias.
Raporti pretendon se klubit të La Ligës nuk i pëlqeu oferta, por trajneri Xavi e bëri të qartë se ai nuk ishte i përgatitur ta largonte reprezentuesin spanjoll nga skuadra.