Këshilli i Sigurimit i OKB-së do të mblidhet pas kërkesës së Zelensky

(Lajm i përditësuar)
Këshilli i Sigurimit i OKB-së do të mbajë një takim urgjent të mërkurën për sulmet e fundit të Rusisë në të gjithë Ukrainën, pas kërkesës së presidentit ukranias, Volodymyr Zelensky.
Takimi është caktuar për në orën 16:00.
Zelensky kërkon mbledhje urgjente të Këshillit të Sigurimit të OKB-së
Presidenti ukrainas, Volodymyr Zelensky po kërkon një takim urgjent të Këshillit të Sigurimit të Kombeve të Bashkuara pas sulmeve të fundit ruse në infrastrukturën gjeneruese të energjisë në të gjithë Ukrainën.
“Kam udhëzuar ambasadorin tonë në OKB që të kërkojë një takim urgjent të KS të OKB-së pas sulmeve të sotme ruse. Vrasja e civilëve, rrënimi i infrastrukturës civile janë akte terrori. Ukraina vazhdon të kërkojë një përgjigje të vendosur të bashkësisë ndërkombëtare ndaj këtyre krimeve”, tha ai në Twitter.
Sipas zyrtarëve të paktën katër persona u vranë në Kiev në sulmet e së mërkurës.
Zelensky falënderoi anëtarët e Parlamentit Evropian për njohjen e Rusisë si “shteti sponsorizues i terrorizmit” në një deklaratë pas sulmeve. Ai tha se Rusia i ka “dëshmuar të gjithë botës” se e meriton klasifikimin duke “lëshuar 67 raketa në infrastrukturën tonë, në industrinë tonë të energjisë, te njerëzit e zakonshëm”.
Ai i siguroi ukrainasit se inxhinierët e energjisë, shpëtimtarët dhe autoritetet lokale po punojnë shumë në zonat e prekura./21Media

Back to top button