Zelensky: Ukraina po bën gjithçka për të merituar kandidaturën në BE

Presidenti ukrainas, Volodymyr Zelensky tha në fjalimin e tij të natës të hënën se Ukraina po ecën në rrugën për t’u bërë pjesë e Bashkimit Evropian.
“Hap pas hapi, ne po ecim këtë javë vendimtare dhe po bëjmë gjithçka çdo ditë, kështu që askush nuk dyshon se Ukraina e meriton kandidaturën. Ne po dëshmojmë çdo ditë se tashmë jemi pjesë e Bashkimit Evropian”, tha Zelensky, transmeton rtv21.tv.
Presidenti tha më parë se Ukraina duhet të presë “aktivitet më të madh armiqësor” nga Rusia , ndërsa BE-ja shqyrton këtë javë nëse vendi duhet të konsiderohet zyrtarisht për statusin e kandidatit. Udhëheqësit e 27 vendeve anëtare të BE-së po takohen për të diskutuar procesin./21Media