Zemërohen abonentët, Netflix do ta heq “Betin e Shëmtuar”

Pa dyshim, “Yo soy Betty, la fea” është telenovela më i suksesshme në historinë e Kolumbisë, prandaj më shumë se 20 vjet pas premierës së tij vazhdon të vlerësohet dhe shihet nga mijëra fansa në mbarë botën. Megjithatë, javët e fundit Netflix njoftoi se do ta tërheqë atë nga katalogu i tij.
Lajmi i liderit botëror në transmetimin jo vetëm që befasoi, por edhe zemëroi shumë prej abonentëve që shikojnë telenovelën kolumbiane që u publikua në fund të viteve 1990 , kështu që shumë pyesin veten deri në cilën ditë do të mund të vazhdojnë të shijojnë aventurat e Betty-t.
Telenovelën mund ta shohin abonentët e Netflix deri të dielën, më 10 korrik. Pasi të përfundojë ajo ditë, historia që magjepsi botën për 20 vitet e fundit do të largohet nga platforma.
Historia ikonë u krijua nga Fernando Gaitán dhe konsiderohet si një nga telenovelat më të suksesshme në televizionin e Amerikës Latine.
Është transmetuar në më shumë se 180 vende, është dubluar në të paktën 25 gjuhë dhe ka 28 përshtatje të tjera që tregojnë se është telenovela kolumbiane më e njohur në botë.
Pavarësisht suksesit të saj në Netflix, platforma papritur vendosi ta heqë atë nga katalogu i saj. Për momentin, asnjë platformë tjetër nuk transmeton historinë që mund të gjendet vetëm përmes llogarisë në Facebook të kanalit RCN, kanali ku u publikua në vitin 1996./21Media