Zgjedhjet e 7 qershorit: 20 parti konfirmojnë pjesëmarrjen, 1 koalicion i formuar

Kur kanë mbetur vetëm edhe pak orë afat për partitë politike për të njoftuar pjesëmarrjen në zgjedhje ose mospjesëmarrjen dhe deklarimin e koalicioneve, disa nga partitë politike kanë kryer këto obligime.

Zëdhënësi i KQZ-së, Valmir Elezi, ka thënë për RTV21 se deri më tani KQZ-ja ka pranuar njoftimin për pjesëmarrje në zgjedhje nga 20 parti politike; mospjesëmarrjen nga 5 të tjera dhe formimin e 1 koalicioni.

“Deri më tani, pra në mesditë, në KQZ kemi pranuar njoftimin për pjesëmarrje në zgjedhjet e qershorit nga 20 parti politike, mospjesëmarrjen nga 5 parti, si dhe formimin e një koalicioni të përbërë nga dy parti politike nga radhët e komunitetit boshnjak”, tha Elezi për RTV21./21Media