Zhduken disa dosje me informacione personale të drejtuesëve të lartë të institucionit brenda selisë së Europolit

Janë zhdukur disa dosje, të cilat përmbanin informacione personale të drejtuesve të lartë të zbatimit të ligjit të institucionit brenda selisë së Europolit në Hagë.

Sipas politico besohet se zhdukja e këtyre dosjeve ka të bëjë me proceset hetimore brenda vetë institucionit.

Nga dosjet e zhdukura përfshijnë atë të Drejtoreshës Ekzekutive të Europolit, Catherine De Volle dhe dy prej zëvendësdrejtorëve të saj, Jürgen Ebner dhe Jean-Philippe Lecouffe, shkruan Politico.

“Më 6 shtator 2023, Drejtoria e Europolit u informua se dosjet personale të disa anëtarëve të stafit të Europolit ishin zhdukur. Kur zyrtarët kontrolluan të gjitha të dhënat e agjencisë, ata zbuluan dosje të humbura. Duke pasur parasysh rolin e Europolit si autoritet i zbatimit të ligjit, zhdukja e dosjeve personale të anëtarëve të stafit përbën një incident serioz të sigurisë dhe shkeljes së të dhënave personale”, lexohet në deklaratën e Europol.

Bëhet e ditur se disa nga dosjet e humbura u rishfaqën pasi një qytetar i gjeti ato të hedhura në një vend publik në Hagë dhe i solli në stacionin policor lokal. Nuk do të mësohet kurrë numri i dosjeve të zhdukura dhe as fakti se përse ishin marrë nga brenda institucionit.

Dosjet e burimeve njerëzore mund të përmbajnë informacion në lidhje me aplikimin për punë të zyrtarëve, trajnimin përkatës, datat e lindjes, statusin e martesës, vartësit, adresën aktuale dhe informacione të tjera të rregullta, tha një nga zyrtarët.

Europol është një nga agjencitë më të mëdha kundër krimit të organizuar të Bashkimit Evropian. Ai koordinon hetimet dhe operacionet kryesore ndërkombëtare me autoritetet kombëtare të policisë dhe partnerët si Interpoli dhe FBI e Shteteve të Bashkuara./21Media

Back to top button