Ziadin Sela jep dorëheqje nga funksioni i kryetarit të ASH-së

Ziadin Sela në konferencën e sotme për shtyp në Tetovë njoftoi se ka dhënë dorëheqje nga posti i kryetarit të Aleancës për Shqiptarët, shkruan TV21.
Sela theksoi se dorëheqja e tij vjen si pasojë e rezultatit në zgjedhjet për këshilltar komunal në Tetovë, ku ASH nuk arriti të marrë asnjë këshilltar.
“Unë i qëndroj asaj që kam thënë që edhe gjatë fushatës, që Tetova nuk është vetëm një komunë, Tetova nuk është vetëm një qytet, është për tej kësaj, të paktën kështu duhet të jetë. Kam dëgjuar që kanë qarkulluar zëra dhe informacione nëpër portale, po është e vërtet. Unë nga ky moment jap dorëheqje të parevokueshme nga kryetari i Aleancës për Shqiptarët”, deklaroi Sela.
Ai njoftoi se partia do të mbajë Kuvendin Qendror, ku pritet të emërohet ushtruesi i detyrës kryetar i partisë. I pyetur nëse do të jetë kandidat për kryetarë sërish, Sela tha se këtë nuk e lejon statuti i partisë, ndërsa pohoi se bashkë me dorëheqjen e tij “pushon së funksionuari edhe kryesia e partisë”, e zgjedhur nga ai, shkruan Tv21./21Media