Zidane: Më vështirë fitohet La Liga se sa Liga e Kampionëve
Trajneri i Real Madridit, Zinedine Zidane, ka thënë se skuadra mbretërore është duke punuar shumë për të fituar titullin e kampionit
Ai ka pranuar se më vështirë është që të fitohet La Liga se sa Liga e Kampionëve.
Real të dielën luan si mysafir i Malagës në ndeshjen e fundit të La Liga.
Pak janë ata që besojnë se mbretërit do të lëshojnë shansin për të fituar titullin e kampionit.
“Po punojmë shumë çdo ditë dhe meritojmë titullin. Shumë nuk dëshirojnë që ne të bëhemi kampion dhe kjo nuk është diçka e re, por ne e dimë se çfarë duhet bërë”, ka thënë Zidane.
Ai ka shtuar se çelësi i suksesit të skuadre është uniteti i futbollistëve, të cilët meritojnë çdo falënderim.