Zonat që do të mbesin sot pa ujë

1 min read

 

Kompania Rajonale e Ujësjellësit “Prishtina” ka njoftuar se sot ekipet e mirëmbajtjes të rrjetit të ujësjellësit nën mbikëqyrjen e drejtorisë teknike, kanë planifikuar realizimin e disa punimeve teknike në rrjet, në gypin me diametër fi 200 mm, në rrugën e “Tiranës” në Prishtinë, me ç’rast disa zona do të mbesin pa ujë.

Sipas njoftimit, punimet do të fillojnë së realizuari duke filluar nga ora 12:00, me ç’rast pa furnizim me ujë të pijshëm do të mbesin: lagjja ”Lakrishte”, një pjesë e lagjes” Dardania” dhe një pjesë e lagjes ”Arbëria” mbi hekurudhë deri te komuna e re e Prishtinës.

“Furnizimi rikthehet pas sanimit të gypit. Realizimi i punimeve teknike të tilla, po bëhet gjithnjë për një infrastrukturë më funksionale të rrjetit të ujësjellësit”, është bërë e ditur në njoftim./21Media