ZPS konfirmon për RTV21: Aktualisht jemi duke kryer operacione në Kosovë
(Lajm i përditësuar)
Zyra e Prokurorit të Specializuar ka kryer disa bastisje në banesën e Blerim Shalës, ish-këshilltarit të ish-kryeministrit Hashim Thaçi. Këtë për portalin rtv21.tv e ka konfirmuar Zyra e Prokurorit të Specializuar (ZPS).
Në një përgjigje me shkrim ZPS tha se operacionet po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX).
Specialja bastis banesën e Blerim Shalës dhe Bashkim Smakajt
Zyra e Prokurorit të Specializuar ka kryer disa bastisje në banesën e Blerim Shalës, ish-këshilltarit të ish-kryeministrit Hashim Thaçi.
Nacionale ka siguruar edhe fotografi nga shtëpia e Smakës ku po qëndron një veturë e EULEX-it.
Avokati Artan Qerkini i ka konfirmuar bastisjet.
“Është duke ndodhur një bastisje, por asnjë informacion tjetër nuk mund të ndajë për momentin”, ka thënë ai.
Specialja bastis banesën e Blerim Shalës, ish-këshilltarit të Thaçit
Gjykata Speciale e ka bastisur në mëngjesin e sotëm banesën e Blerim Shalës, ish-këshilltar i Hashim Thaçit.
Portali rtv21.tv ka provuar të kontaktojë me avokatin Artan Çerkini dhe Prokurorinë e Dhomave të Specializuara, por deri në momentin e publikimit të lajmit nuk ka marrë përgjigje.
Lidhur me rastin, portali rtv21.tv ka kontaktuar edhe ZPS-në, dhe është pritje të një përgjigjeje zyrtare.
Portali rtv21.tv do t’iu mbaj të informuar…