Zvicra mbështet Kosovën në mënyrë aktive në ujëra rurale dhe kanalizime

 

Ambasadori zviceran në Kosovë, Thomas Kolly dhe ministrja e Financave, Hykmete Bajrami nënshkruan sot një marrëveshje që shtrin programin e bashkëpunimit të Zvicrës në të gjithë vendin deri në vitin 2022, me një shtesë prej 560,000 franga, dhe falë kësaj mbështetje, më shumë se 600,000 njerëz do të kenë qasje në furnizime të reja ose të përmirësuara me ujë.

Sipas një komunikate të MF-së, që nga fillimi i këtij programi në vitin 2005, rreth 60 milionë CHF në total janë investuar në shërbimet e ujërave rurale dhe kanalizimeve, si nga Zvicra dhe Qeveria e Kosovës (niveli qendror dhe lokal).

Ministrja e Financave, Hykmete Bajrami, pranoi mbështetjen e pafundme që Qeveria e Zvicrës i ka dhënë Kosovës gjatë gjithë viteve, si dhe kontributin shtesë për një projekt kaq të rëndësishëm, përkatësisht fazën e daljes së Programit Mbështetës së Ujërave Rurale dhe Kanalizimeve.

Në përputhje me prioritetet qeveritare, ministrja mirëpriti bashkëpunimin e mëtejshëm me Zvicrën për projektet e ardhshme në sektorin e ujit dhe nënvizoi zotimin e Kosovës për zbatimin e tyre të suksesshëm.

Back to top button