Zvicra mposhti Kamerunin për ta nisur mbarë Botërorin

Zvicra mposhti Kamerunin për ta nisur mbarë Botërorin

Me golin e vetëm të realizuar nga Breel Embolo dhe të asistuar nga Xherdan Shaqiri, Zvicra e ka nisur mbarë rrugëtimin në Kampionatin Botëror duke e mposhtur Kamerunin me rezultat 1-0.

Ndeshja e zhvilluar në “Al Janoub Stadium” ishte e vlefshme për grupin G të këtij kompeticioni, ndërsa goli i Zvicrës erdhi në minutën e 48’ kur një kundërsulm i shpejtë që kaloi nëpër këmbët e Shaqiri u konkretizuar me gol nga Embolo.

Në vazhdim të ndeshjes, Kameruni kërkoi golin e barazimit, madje edhe ishte më e mirë në posedimin e topit, por kjo në fund nuk solli rezultat.

Është kjo një nisje mjaftë e mirë për Granit Xhakën dhe Xherdan Shaqiri duke ditur se grupi është mjaftë i vështirë pasi në përbërje ka edhe Brazilin dhe Serbinë.

​Zvicra me dominim të lehtë, por s’ka gola në pjesën e parë ndaj Kamerunit

Një dominim i lehtë në posedim të topit dhe kontrollim i ndeshjes nuk ia ka mundësuar Zvicrës për ta mbyllur me epërsi pjesën e parë ndaj Kamerunit.

Në këtë ndeshje e cila është e vlefshme për grupin G të Kampionatit Botëror, për Zvicrën po luajnë dy shqiptarët Granit Xhaka dhe Xherdan Shaqiri të cilët patën paraqitje mjaftë të mirë.

Kjo është ndeshja e parë e këtij grupi në të cilin bëjnë pjesë edhe Serbia dhe Brazili.

Nis ndeshja Zvicër-Kamerun

Ka nisur në stadiumin “Al Janoub Stadium”, ballafaqimi ndërmjet Zvicrës dhe Kamerunit, e vlefshme për grupin G të Kampionatit Botëror.

Xherdan Shaqiri dhe Granit Xhaka janë në fushë nga minuta e parë për t’i ndihmuar “helvetikët” që ta marrin fitoren e parë.

Në këtë grup bëjnë pjesë edhe Brazili dhe Zvicra, ndërsa të dy skuadrat kanë zbritur në fushë me formacionet e mëposhtme:

Zvicra: Sommer, Widmer, Akanji, Elvedi, Rodriguez, Xhaka, Freuler, Shaqiri, Sow, Vargas, Embolo.

Kameruni: Onana, Fai, Castelletto, N’Koulou, Tolo, Oum Gouet, Anguisa, Hongla, Mbeumo, Choupo-Moting, Toko Ekambi.

Artikuj të ngjashëm

Shikoni Gjithashtu
Close
Back to top button