Zyrtare, Prishtina shkëput bashkëpunimin me trajnerin Zekirija Ramadani

Klubi futbollistik, Prishtina dhe trajneri Zekirija Ramadani e kanë shkëputur bashkëpunimin.
“FC Prishtina njofton “Plisat” dhe opinion futbolldashës që e ka ndërprerë bashkëpunimin me trajnerin Zekirija Ramadani”, thuhet në komunikatën e lëshuar nga kampioni aktual i Kosovës në futboll.
“Timonieri” nga Shkupi iu bashkua Prishtinës në shtator të vitit 2020.
Ai së bashku me stafin e tij arriti që te Prishtina ta rikthejë titullin pas tetë edicioneve, andaj klubi e falënderon përzemërsisht për punën e bërë dhe i dëshiron përzemërsisht suksese në karrierë.
Ramadani është një ndër trajnerët më të suksesshëm që ka punuar në Kosovë, pasi me tri skuadra të ndryshme e ka fituar titullin kampion, Prishtinën, Trepçën ’89 dhe Feronikelin.