13-vjeçari u qëllua për vdekje nga shoku i tij i ngushtë
Ngjarja ndodhi të shtunën
Një adoleshent në Teksas u qëllua tragjikisht për vdekje nga shoku i tij i ngushtë, të shtunën në shtëpinë e një shoku tjetër të tyre në Pasadena.
Gabriel “Gabe” Fernandez, 13-vjeçar ishte qëlluar në kokë, derisa një grup djemësh luanin me një revole të mbushur, bëri të ditur e ëma e djalit, Jennifer Valdez për ABC News.
Valdez, 37-vjeçare, nuk mundi të ndalonte lotët, kur djali i saj i madh ia dha lajmin, shkruan Daily Mail, përcjell rtv21.tv
Gjatë tragjedisë së vdekjes së djalit të saj, Valdez tregoi për pikëllimin që ndjeu për djalin që aksidentalisht e vrau atë, emri i të cilit nuk është zbuluar.
“Ai e deshi djalin tim. Ishin shokë të ngushtë. Gjithë jetën ai ka për të jetuar me faktin se ka vrarë shokun e tij të ngushtë. Ndjej keqardhje edhe për të.. Edhe ai është vogëlush.”, tha Valdez.
Djemtë menduan se revolja ishte shkarkuar, sepse fishekët ishin larguar.
Adoleshenti që e vrau aksidentalisht shokun jeton me gjyshërit e tij dhe ata nuk mbajnë revole. Policia po e heton rastin./21Media