Policia italiane ka shkatërruar gjatë natës një celulë xhihadiste kosovare

Policia italiane ka shkatërruar gjatë natës një celulë xhihadiste kosovare

Një operacion blic i policisë dhe karabinierëve italianë, i zhvilluar gjatë natës, ka përfunduar me asgjësimin e një celule xhihadiste në Venecia dhe në pranga kanë përfunduar tre persona si dhe është ndaluar një minoren, të gjithë shtetas kosovarë, me leje të rregullt qëndrimi në Itali.

Operacioni është koordinuar nga Drejtoria Rajonale Antimafie dhe Antiterrorizëm. Përveç arrestimeve, janë kryer edhe 12 kontrolle, 10 prej tyre në qendrën historike të Venecias, një në Mestre dhe një në Trevizo.

Pasi është individualizuar celula, është rindërtuar dinamika e marrëdhënieve, radikalizimi fetar i subjekteve të ndryshme dhe identifikimi i vendeve që frekuentonin.

Operacioni final ka nisur gjatë natës, kur ekipet e forcave speciale kanë ndërhyrë në banesat e të hetuarve. Të arrestuarit ishin nën vëzhgim prej disa muajsh, ndërsa operacioni është ende në vazhdim.