“Biden kërkoi unifikim të spektrit politik për ta përmbyllur konfliktin ndërmjet Kosovës dhe Serbisë”

Thaçi: Biden është krenar me shtetndërtimin 11 vjeçar të Kosovës

Presidenti i Kosovës, Hashim Thaçi është takuar sot me ish-zëvendëspresidentin amerikan Joe Biden.

Thaçi ka thënë se Biden dhe familja e tij janë ndër miqtë më të mëdhenj të Kosovës.

“Sot biseduam për marrëdhëniet speciale ndërmjet Kosovës dhe SHBA-së. Biden është krenar me shtetndërtimin 11 vjeçar të Kosovës dhe kërkoi unifikim të spektrit politik për ta përmbyllur njëherë e përgjithmonë konfliktin shekullor ndërmjet Kosovës dhe Serbisë”, ka thënë Thaçi.

Thaçi ka thënë se SHBA-ja, demokratët dhe republikanët, mbështesin fuqishëm arritjen e një marrëveshjeje gjithëpërfshirëse dhe ligjërisht të obligueshme ndërmjet Kosovës dhe Serbisë.

“Kjo marrëveshje sjellë paqe të përhershme dhe siguron njohje reciproke, si dhe anëtarësim të Kosovës në NATO, BE dhe OKB. Jemi të bekuar që kemi mbështetjen e gjithanshme të SHBA-së”, ka shkruar Thaçi në Facebook./21Media