Ku e ka vendosur fotografinë e Thaçit, Vjosa Osmani?

Osmani dje në vend të fotografisë së Thaçit, kishte vendosur atë të Rugovës

Kryetarja e Kuvendit, Vjosa Osmani fotografinë e presidentit të vendit, Hashim Thaçi e ka vendosur në anën tjetër të murit ku ka qenë e vendosur më herët.

Ajo këtë veprim e ka ndërmarrë dje, duke hequr fotografinë e Thaçit nga vendi paraprak, pas marrjes së detyrës së re dhe në vend të kësaj ajo ka kthyer fotografinë e ish-presidentit Ibrahim Rugova.

Osmani kishte deklaruar se një veprim i tillë nuk bie ndesh me ligjin, dhe se ajo fotografinë e Rugovës e kishte vendosur si inspirim.

PDK ka reaguar ashpër ndaj heqjes së fotografisë së presidentit Thaçi, duke thënë se Vjosa Osmani me këtë veprim ka shkelur Ligjin për Protokollin e Shtetit.