Ministri i Punëve të Brendshme: Sakrifica e Demajt na bënë krenar
Ekrem Mustafa ka reaguar për vrasjen e policit Izet Demaj
Ministri i Punëve të Brendshme të Kosovës, Ekrem Mustafa ka shprehur ngushëllime për vrasjen e policit në detyrë, Izet Demaj në Istog. Ai po ashtu ka deklaruar se sakrifica e Demajt është krenari, por edhe shtytje për të luftuar krimin.
“U trondita nga vrasja e Izet Demajt, pjesëtar i Policisë së Republikës së Kosovës.
Izeti sakrifikoi veten në mbrojtje të jetës së qytetarëve të Istogut. Sakrifica e tij na bënë krenar dhe njëkohësisht na shtynë të luftojmë edhe më ashpër krimin dhe kriminelët.
Siguria e Kosovës dhe qytetarëve të saj nuk ka alternativë.
Ngushëllime familjes Demaj dhe Policisë së Kosovës.
I qoftë i lehtë dheu i Kosovës.”, ka shkruar Mustafa në Facebook.
Për vrasjen e policit kanë reaguar edhe krerët e shtetit të cilët kanë shprehur ngushëllime duke e cilësuar Demajn si hero.
Polici i Kosovës, Izet Demaj u vra sot në Istog gjatë detyrës, atë e qëlloi një grabitës i cili më pas u vra nga policia./21Media