Moti gjatë kësaj fundjave

Parashihet të mbajë një mot më i qetë

Instituti Hidrometeorologjik i Kosovës ka njoftuar se pas këtyre reshjeve të borës, të shtunën dhe të dielën, vendi ynë do të vazhdojë të mbetet nën ndikimin e masave të ajrit me presion të lartë atmosferik.

Sipas institutit, në këto kushte vikendi do të karakterizohet me mot të qetë, të vranët dhe vende-vende do të ketë intervale të shkurta me diell.

“Temperaturat minimale parashihen të lëvizin ndërmjet -11 deri -8 gradë Celsius, ndërsa maksimalet e ditës parashihen të lëvizin ndërmjet -2 deri 1 gradë Celsius. Do të fryjë erë e lehtë deri mesatare nga drejtimi i verilindjes”, bëhet e ditur në njoftimin e IHMK-së.