Ndodhi edhe kjo, burri martohet me krokodil

Një kryebashkiak meksikan u martua me një aligator që kishte veshur një fustan nusërie dhe vulosi dasmën e tyre me një puthje.
Kryetari i bashkisë së San Pedro Huamelula, Victor Hugo Sosa, u martua me aligatorin si pjesë e një rituali të vjetër indigjen për të sjellë bollëk në fshat.
Zvarraniku shtatë vjeçar, i referuar si “Princesha e Vogël”, besohet të jetë një hyjni që përfaqëson “Nënën Tokë” dhe martesa e saj me udhëheqësin lokal simbolizon bashkimin e njerëzve me hyjnoren, transmeton rtv21.tv.
Në një ceremoni shumëngjyrëshe, tingëlloi muzika tradicionale dhe mysafirët vallëzuan ndërsa i luteshin udhëheqësit indigjen të puthte nusen e tij të re.
Me daulle u dha një ritëm festiv ndërsa kryebashkiaku mbante nusen aligator në krahë nëpër rrugë, ndërsa burrat e nxisnin me kapelet e tyre.
Feçka e aligatorit të vogël u lidh për të shmangur kafshimin e padëshiruar pasi kryetari e puthi atë disa herë gjatë gjithë ceremonisë.
Martesa rituale me gjasë daton shekuj më parë në kohët parahispanike midis komuniteteve indigjene Chontal dhe Huave të shtetit Oaxaca. Është e ngjashme me një lutje që lutet për bujarinë e natyrës në fshat.
Oaxaca, e vendosur në jugun e varfër të Meksikës, është padyshim vendi më i pasur në kulturën indigjene dhe shtëpia e shumë grupeve që kanë ruajtur me kokëfortësi gjuhët dhe traditat e tyre.
San Pedro Huamelula është një fshat i vogël peshkimi në bregun e Paqësorit të Oaxaca.
Rituali shekullor në San Pedro Huamelula, i përzier tani me spiritualitetin katolik, përfshin veshjen e aligatorit me një fustan të bardhë nusërie plus veshje të tjera shumëngjyrëshe./21Media