Pezullohet shitja e aseteve publike
Qeveria Kurti e nis shuarjen e AKP-së!
Qeveria e Kosovës ka kërkuar sot nga Agjencia Kosovare e Privatizimit që të pezullojë në afat të pacaktuar dhënien me qira dhe shitjen e aseteve publike.
Në arsyetimin e saj, ministrja e Ekonomisë Rozeta Hajdari tha se AKP duhet të ketë parasysh programin qeverisës.
“ Të kërkohet nga AKP të pezulloj për afat të pacaktuar të gjitha veprimet në lidhje me pronat paluajtshme nga lista e aseteve për qiradhënie me karakter specifik e azhurnuar e shpallur me 5 mars 2020”, tha ajo, derisa shtoi se nëse zgjatet mandati i AKP-së, kjo sipas saj do të jetë e dëmshme për Kosovën.
“Si arsyetim shtesë është që AKP ka në planë të jap me qira disa asete të rëndësishme dhe qeveria duhet ti kërkoj AKP të ketë parasysh programin e qeverisë sepse nëse AKP realizon qiradhëniet, ato do të zgjasin pa nevojë mandatin AKP-së dhe mund t`i shkaktojnë humbje Republikës së Kosovës”, shtoi ajo.
Kërkesa është përkrahur edhe nga kryeministri Albin Kurti. / 21Media