Vdiq pacienti në aksidentin e autoambulancës
Trupi i viktimës do të dërgohet në Institutin e Mjekësisë Ligjore për Obduksion
Një autoambulancë u aksidentua mbrëmë në Bresalc të Gjilanit gjatë transportimit të një pacienti nga Gjilanit në Prishtinë.
Si pasojë e aksidentit, vdiq pacienti, i cili ishte duke u transportuar në QKUK. Lajmin e konfirmoi zëdhënësi i policisë në rajonin e Gjilanit, Ismet Hashani.
“Mbrëmë rreth orës 23:00, jemi informuar nga QKUK në Prishtinë se pasagjeri që ishte duke u transferuar në QKUK për trajtim mjekësor nga lëndimet e marra në aksidentin e komunikacionit ka vdekur”, tha Hashani për 21Media
Ai shtoi se në lidhje me këtë rast u njoftua edhe prokurori kujdestar.
“Prokurori ka urdhëruar që trupi i viktimës të dërgohet në Institutin e Mjekësisë Ligjore për Obduksion”, deklaroi Hashani. /21Media