​Klubi i Prodhuesve të Kosovës proteston ndaj bllokimit të produkteve vendore nga Serbia

Veprim i papranueshëm

Klubi i Prodhuesve të Kosovës proteston ashpër kundër veprimit të autoriteteve serbe të cilat kanë bllokuar transportuesit e mallrave që vijnë nga Kosova.

Në komunikatën e lëshuar thuhet se një veprim i tillë është i papranueshëm për Klubin e Prodhuesve, dhe tregon edhe një mungesën e vullnetit nga ana e autoriteteve serbe që të ju kthehen normalitetit dhe tregtisë sipas marrëveshjeve.

“Një veprim i tillë është ende më i papranueshëm në kur kemi parasysh pandeminë në të cilën po kalojmë. Ky veprim vetëm tregon sjellje jo të dinjitetshme nga ana serbe, ku ka një pajtueshmëri që këto ditë të mos ketë pengesa në qarkullimin e mallrave, në bazë të praktikave të miratuar nga CEFTA për korridorin e gjelbër”, thuhet në komunikatë.

Klubi i Prodhuesve të Kosovës ka reaguar kundër çdo pengese apo barriere që ju bëhet produkteve kosovare, dhe besojnë në tregtinë e lirë, por po ashtu thonë duhet të respektohen parimet e përgjithshme të së drejtës ndërkombëtare dhe marrëveshjet e ndryshme tregtare./21Media