15-vjeçari bëhet mjeshtri më i ri britanik i shahut

Një 15-vjeçar është bërë mjeshtri më i ri i shahut në Britani.

Shreyas Royal arriti titullin prestigjioz në Kampionatin Britanik të Shahut në Hull të dielën, duke thyer rekordin e David Howell në Mbretërinë e Bashkuar, në moshën 16-vjeçare, në vitin 2007.

Shreyas arriti “normën” e tij të parë në Bavarian Open në nëntor 2022, e para nga tre që kërkoheshin për të fituar titullin, dhe shënoi të dytën në Londër dhjetorin e kaluar.

Një normë GM në shah është një standard i performancës së nivelit të lartë që një lojtar duhet të arrijë mbi një total prej 27 ndeshjesh, të cilat zakonisht do të kërkonin tre turne të veçanta, për të fituar titullin e mjeshtër i madh.

Duke folur teksa shikonte kampionatet nga shtëpia e tij në Woolwich Arsenal, në juglindje të Londrës, babai i tij, Jitendra Singh, i tha Times: “Jam jashtëzakonisht krenar për Shreyas.

“Është një arritje e madhe për të dhe për të cilën ka punuar për shumë vite. Të jesh mjeshtri më i ri britanik ndonjëherë është fantastike”./21Media