200 mijë njerëz të prekur me Covid-19 vdiqën në SHBA
Rreth 200.000 njerëz kanë vdekur nga efektet e koronavirusit në Shtetet e Bashkuara deri më sot, njoftoi Universiteti Johns Hopkins.
Sipas të njëjtit burim, 6.9 milionë persona janë prekur me koronavirus deri më sot.
“COVID-19 do të jetë shkaku i tretë kryesor i vdekjeve në Shtetet e Bashkuara këtë vit dhe do të kapërcejë aksidentet, goditjet në tru dhe sëmundjen Alzheimer. Ne e nënvlerësojmë këtë virus në dëm të vetvetes dhe në dëm të atyre që preken nga vendimet tona”, tha Tom Frieden, ish-drejtor i Qendrës për Kontrollin dhe Parandalimin e Sëmundjeve (CDC).
Në javën e fundit, 5.300 njerëz të prekur me Covid-19 kanë vdekur në SHBA, ndërsa 2.000 njerëz kanë vdekur në BE në të njëjtën periudhë. Për sa i përket popullsisë, koronavirusi i ri vret katër herë më shumë njerëz në Amerikë çdo ditë, sesa në Evropë.