BE, 220 milionë euro për financimin e firmave në rajon

Bashkimi Evropian po ndihmon vendet e rajonit me grante për 6 mijë firma

Komisari evropian Johannes Hahn deklaroi sot se Bashkimi Evropian po përgatit vendet e rajonit të Ballkanit Perëndimor për ditën kur do të bëhen pjesë e sistemit ekonomik të BE-së dhe se për vendet e rajonit që nga sot janë siguruar mjete shtesë prej 220 milionë euro.

Hahn theksoi se mjetet janë të dedikuara për 6.000 kompani në rajon.

Qëllimi i investimeve në Ballkan është ndërlidhja më e mirë e përgatitja e këtyre vendeve për anëtarësim në BE, është shprehur Hahn.