50 të vdekur pas sulmit në një stacion të trenit në Ukrainë

Pesëdhjetë njerëz raportohet se kanë vdekur pasi stacioni i trenit Kramatorsk u godit nga raketa, sipas guvernatorit të rajonit.
Pavlo Kyrylenko tha se gjithsej 98 persona u dërguan në spital pas sulmit. Nga 98, 16 ishin fëmijë, 46 ishin gra dhe 36 ishin burra.
Ai shtoi se ai pret që më shumë njerëz të kërkojnë ndihmë mjekësore brenda ditëve në vijim, transmeton rtv21.tv.

Rusia e ka mohuar sulmin në stacionin hekurudhor Kramatorsk dhe pretendon se fragmentet e raketave të gjetura aty pranë janë nga një predhë taktike Tochka-U “përdorur vetëm nga forcat e armatosura ukrainase”.
Guvernatori i Donetskut i Ukrainës, megjithatë, ka akuzuar ushtrinë ruse për përdorimin e Tochka-U për të shpërthyer municione thërrmuese në sulmin në Kramatorsk.
Manisha Ganguly, një gazetare investigative për Shërbimin Botëror të BBC-së, ka parë pretendimet e Rusisë dhe beson se ato nuk përputhen.
Ajo thotë se ka prova që Rusia përdori raketa taktike Tochka-U më 24 shkurt gjatë një sulmi në një spital në Vuhledar, Oblast Donetsk, i cili vrau katër civilë dhe plagosi 10.
Një hetues raketash i Amnesty International duke analizuar fotot e mbeturinave të armëve të lidhura me incidentin përcaktoi “një raketë balistike 9M79 Tochka u përdor në sulm”.
Këto armë janë jashtëzakonisht të pasakta, duke i humbur rregullisht objektivat e tyre për gjysmë kilometri ose më shumë, ka thënë Amnesty International.
Raketat Tochka u përdorën gjithashtu më 19 mars në Luhansk, sipas Ministrisë së Mbrojtjes së Ukrainës. Ushtria ukrainase thotë se ata rrëzuan një nga këto raketa me sistemin e tyre të mbrojtjes ajrore.
Sipas ekspertit të raketave NR Jenzen-Jones, të gjitha raketat Tochka vijnë nga një arsenal i vjetër sovjetik./21Media