500 biçikleta të vjedhura në oborrin e një 54 vjeçari

Një person është arrestuar pasi një “mal” me 500 biçikleta, aq sa mund të shihen nga një satelit Google Earth, u gjet në kopshtin e tij të pasmë.
Vendasit e zemëruar që jetojnë fqinjë me shtëpinë në Oxfordshire, thonë se po kanë probleme nga minjtë si rezultat i grumbullit të biçikletave, transmeton rtv21.tv.
Pas një sërë denoncimesh, një 54-vjeçar banues në këtë shtëpi u arrestua i dyshuar për vjedhje dhe posedim të pasurisë kriminale.
Colleen Butler, 53 vjeç, ka jetuar në atë rrethinë për 32 vjet dhe thotë se fqinji ka qenë atje për gati një dekadë.
“Kam filluar të raportoj koleksionin e tij të biçikletave katër vjet më parë, por ka vazhduar për rreth pesë vjet. Duhet të ketë qenë të paktën 500 prej tyre. Kur fola me të, ai tha se do të dërgoheshin në Afrikë për fëmijët në nevojë, por, siç mund ta shihni, ata nuk shkuan kurrë në Afrikë. Biçikletat vijnë me furgona dhe njerëzit”, tha ajo.
Në momentin e arrestimit të tij fqinja tha “shumë mirë, diçka më në fund po bëhet”./21Media