Bastisje në Lipjan dhe Prishtinë, arrestohen dy persona, i treti në arrati
Policia e rajonit të Prishtinës ka arrestuar S. T. (48) dhe A. T. (21), shtetas kosovarë, ndërsa personi i tretë ndodhet në arrati, të dyshuar për shtytje në vetëvrasje dhe ndihma në vetëvrasje dhe fajde.
Ata dyshohet se janë implikuar në rastin e vetëvrasjes më 14 maj 2024, në një sallon veturash, në magjistralen Prishtinë -Ferizaj.
Arrestimi, i cili ka ndodhur dje, është përcjellë me një operacion bastisjeje në dy lokacione të ndryshme, një në Gadime të Lipjanit, ndërkaq një në komunën e Prishtinës.
Policia ka shpallur në kërkim të dyshuarin e tretë tashmë i identifikuar, ndërsa dy të arrestuarit me aktvendim nga prokurori i shtetit janë dërguar në qendrën e mbajtjes për 48 orë, si vijimësi e fazave të mëtejme të procesit hetimor.
Dëshiron ta dëgjosh këtë lajm me zë?