Arrestohet një burrë në Drenas, dyshohet se ka kryer marrëdhënie me një të mitur

Është arrestuar një burrë në Drenas, i cili dyshohet se ka kryer marrëdhënie seksuale me një të mitur.

E mitura është gjetur në shtëpinë e të dyshuarit, dhe me vendim të prokurorit ai është dërguar në mbajtje.

“Është arrestuar i dyshuari mashkull kosovar, pasi që më datë 21.06.2024 rreth orës 18:40 në shtëpinë e të dyshuarit është gjetur e mitura femër kosovare me të cilën dyshohet se i dyshuari kishte kryer marrëdhënie seksuale. Lidhur me rastin është intervistuar i dyshuari i lartcekur dhe me vendim të prokurorit kujdestar është dërguar në mbajtje. Ndërsa viktima është kthyer në familjen e saj. Rasti është duke u hetuar”, thuhet në raportin 24 orësh të Policisë./21Media