700 gjoba për shkeljen e masave antiCOVID-19 në Kosovë
Pas masave të reja të ndërmarra nga institucionet e vendit, Policia e Kosovës ka rritur kapacitetet në funksion të realizimit dhe implementim e masave antiCOVID-19.
Policia ka bërë të ditur se vetëm në 24 orëve të fundit ka shqiptuar mbi 700 gjoba për persona juridik dhe persona fizik për mos respektim të masave.
”Kërkojmë nga të gjithë qytetarët, nga institucionet dhe bizneset që të respektojnë vendimet e fundit të marra nga qeveria e vendit, me qëllim që të ruajmë shëndetin publik si dhe pamundësohet përhapja e mëtejme e virusit”, bëhet e ditur në komunikatë.
Ndërkaq, policia po realizon detyra konkrete në gjithë Kosovën, duke aplikuar kontrolle në trafik, në transportin e udhëtarëve, në qendra tregtare, lokale afariste etj., përfshirë edhe shqiptimin e gjobave ndaj atyre që nuk zbatojnë këto masa.
Dëshiron ta dëgjosh këtë lajm me zë?