Çitaku i del në mbrojtje Kurtit pas ofendimeve që i mori nga Vuçiq
Nënkryetarja e PDK-së, Vlora Çitaku, i ka dalë në mbrojtje kryeministrit Kurti pas ofendimeve që i pari i Qeverisë së Kosovës mori nga presidenti serb, Aleksandar Vuçiq.
Çitaku përmes një postimi në “Twitter” ka thënë se është e papranueshme dhe e neveritshme, që presidenti i Serbisë, e quan Kurtin “llum terrorist”.
“Unë jam në opozitë dhe punoj për ta mposhtur VV-në në zgjedhjet e ardhshme. Ka shumë me të cilat nuk jam dakord. Por të kesh Presidentin e Serbisë që i referohet kryeministrit të Kosovës Kurti si “llum terrorist”, është e papranueshme dhe e neveritshme”, ka shkruar ajo.
I am in the opposition and I work to beat VV in the next elections. There are way too many things I disagree with them.
But to have President of #Serbia referring to Kosovo’s PM Kurti as “terrorist scum,” is unacceptable and disgusting. #Dialogue #EU #Frontruner— Vlora Çitaku 🌻 (@vloracitaku) December 1, 2022
Presidenti i Serbisë, Aleksandar Vuçiq në deklaratën e tij të fundit ka ofenduar Bashkimin Evropian dhe kryeministrin e Kosovës, Albin Kurtin, duke njoftuar se nuk merr pjesë në Samitin e BE-së për Ballkanin Perëndimor të 6 dhjetorit në Tiranë./21Media