Xhaka e Shaqiri startojnë ndaj Rumanisë
Derisa Kosova do të ballafaqohet me Bjellorusinë në Budapest, nga ana tjetër lajme të mira priten edhe nga ballafaqimi ndërmjet Zvicrës dhe Rumanisë.
Një fitore eventuale e Kosovës, e përcjellë edhe nga një fitore e helvetikëve kundër Rumanisë do të ishte një skenar tejet i volitshëm për “Dardanët”.
Kjo pasi Rumania është e dyta në grupin I me shtatë pikë dhe në një rast të tillë, Kosova do t’i ofrohej në vetëm një pikë vendit të dytë.
Për fitoren e Zvicrës pritet të ndihmoj shumë dyshja kosovare Granit Xhaka e Xherdan Shaqiri të cilët do të luajnë nga minuta e parë.
Ky është formacioni i Zvicrës: Sommer, Rodrigues, Akanji, Elvedi, Freuler, Xhaka, Zakaria, Fernandes, Vargas, Shaqiri, Amdouni.