​Euro 2024/ Goli i Asanit zgjidhet më i miri nga UEFA

UEFA ka zgjedhur golin e sulmuesit anësor të Shqipërisë, Jasir Asani si më të mirin e raundit të parë të kualifikimeve për në Kampionatin Evropian të futbollit, EURO 2024.

Asani shënoi golin e parë ndaj Moldavisë për kuqëzinjtë në fitoren e tyre 2-0 në “Air Albania”. Ai realizoi një gol jashtëzakonisht të bukur në pjesnë e dytë të ndeshjes pas një goditje precize nga distanca me të majtën.

Në garë më golin më të mirë, Asani la pas Elif Lemas në ballafaqimin ndërmjet Maqedonisë së Veriut dhe Ukrainës si dhe atë të Grant-Leon Ranos me golin e tij për Armeninë kundër Uellsit.