Ambasadori francez: Të shmanget çdo veprim i njëanshëm që nxit tensionet

Ambasadori francez në Kosovë, Olivier Guerot ka reaguar lidhur me mosarritjen e marrëveshjes për targat, ndërmjet Kosovës dhe Serbisë, pas takimeve të djeshme në Bruksel.
Franca shpreh keqardhje për mungesën e një marrëveshjeje të tillë, shprehet Guerot mes tjerash përmes cicërimave të lëshuara në “Twitter”.
”Franca shpreh keqardhje për mungesën e një marrëveshjeje ndërmjet Serbisë dhe Kosovës, pas takimit të 21 nëntorit në Bruksel, nën kujdesin e Përfaqësuesit të Lartë të Bashkimit Evropian për Politikë të Jashtme dhe Siguri, z. Josep Borrell”, ka shkruar ai.
Tutje ai po ashtu ka dhënë një dozë qortimi, duke iu bashkuar thirrjeve të Bashkimit Evropian që të shmanget çdo veprim i njëanshëm i cili mund të nxiste tensionet.
Megjithatë, Franca jep qëndrimin e saj, duke kërkuar nga palët e Kosovës dhe asaj të Serbisë, që të vazhdojnë diskutimet mbi frymën e kompromisit.
”Franca mbështet plotësisht ndërmjetësimin evropian, i cili duhet të bëjë të mundur përparimin drejt një marrëveshjeje globale dhe ligjërisht të detyrueshme ndërmjet Serbisë dhe Kosovës dhe të ecim përpara në drejtim të perspektivës evropiane të dy vendeve. Ajo nxit palët që në ditët në vijim të vazhdojnë diskutimet në frymën e kompromisit dhe të zbatojnë marrëveshjet e arritura tashmë, duke përfshirë dispozitat që kanë të bëjnë me Asociacionin/Bashkësinë e Komunave me Shumicë Serbe”, ka shkruar ai./21Media

“Elle appelle vivement les parties à poursuivre les discussions dans les prochains jours dans un esprit de compromis et à mettre en œuvre les accords déjà conclus, y compris les dispositions portant sur l’Association/Communauté des municipalités à majorité serbe”. 4/4

— Ambassadeur Olivier Guerot (@Olivier_Guerot) November 22, 2022