Arrestohet 26 vjeçari nga Prizreni për lëndim të lehtë trupor

1 min read

 

Policia e Kosovë ka njoftuar se është arrestuar sot një i dyshuar për lëndim të lehtë trupor.

Policia ka njoftuar se, më datën 20 gusht 2021, në rrugën “Ekrem Rexha” në Prizren, kishte ndodhur një rast lëndim i lehtë trupor. I dyshuari kishte lënduar një person dhe pastaj ishte arratisur.

“Pas punës operative – hetimore të vazhdueshme i dyshuari është detyruar të paraqitet në stacion policor së bashku me avokatin e tij mbrojtës ku dhe ka dorëzuar armën të llojit ‘pistoletë’. Arma dyshohet të jetë me gaz e që me të njëjtën dorezë të armës dyshohet që e ka goditur viktimën duke i shkaktuar lëndime trupore”, ka njoftuar Policia.

Tutje bëhet e ditur se, i dyshuari K.GJ i lindur në vitin 1995, përveç incidentit lëndim i letë trupor, te i njëjti ishte gjetur edhe arma e paautorizuar.

Për këtë rast i dyshuari me aktvendim të prokurorit të shtetit u ndalua në mbajtje në afat prej 48 orësh.

Rasti është nën hetime./21Media