Arrestohet i plagosuri në Vërmicë, dyshohet për vrasjen e rëndë

Dje është arrestuar shtetasi sirian, i cili dyshohet për vrasjen e raportuar ditë më parë në Vërmicë të Prizrenit.
“Lidhur me rastin, i dyshuari mashkull shtetas Sirian i cili ka qenë në trajtim mjekësorë pas përfundimit të tretmanit mjekësor, është arrestuar dhe me vendim të prokurorit, është dërguar në mbajtje”, thuhet në raportin ditor të Policisë.
Dyshimet e para të Policisë ishin se rasti i tij kishte të bënte me vrasjen e një shtetasi tjetër sirian që ishte gjetur i vdekur në afërsi të xhamisë së fshatit Vërmicë./21Media