Arrestohet kosovari, kishte planifikuar sulm me bombë në Gjermani

Të enjten, prokurori federal arrestoi një të ri në Iserlohn, Republika Nordrhein Westfallen, i cili, si mbështetës i organizatës terroriste, Shteti Islamik (IS)dyshohet se kishte planifikuar një sulm me bombë në Gjermani.
Sipas hetuesve, 16-vjeçari gjermano-kosovar Etrit P. ishte nën ndikimin e një mbështetësi të organizatës terroriste “Shteti Islamik” (IS), i cili shpërndante materiale propaganduese të IS-it përmes një shërbimi të dërguarit dhe bëri thirrje për xhihad të dhunshëm, transmeton rtv21.tv.
Mediat gjermane raportojnë se Etrit P. kishte pasur tashmë dikë që të shpjegonte se si të ndërtonte një mjet shpërthyes, por më pas kishte frikë se planet e tij të sulmit mund të prisheshin. “Kjo është arsyeja pse ai vendosi të sulmojë oficerët e policisë me thikë”, tha prokurori federal në një deklaratë. Megjithatë, kjo nuk ndodhi për shkak të arrestimit.
P. prej disa kohësh njihej nga autoritetet si i ashtuquajtur kërcënim dhe ishte nën vëzhgim. I riu thuhet se është radikalizuar brenda pak muajsh./21Media