”ATK do të ketë përkrahjen në ngritjen dhe fuqizimin e kapaciteteve”
Drejtori i ATK-së takoi zv/ministrin e Financave
Drejtori i Administratës Tatimore të Kosovës ka pritur në takim zv.ministrin e Financave, Mustafë Graincan, me të cilin kanë diskutuar për të arriturat dhe zhvillimet në ATK për periudhën Janar-Tetor 2017, si dhe aktivitetet të cilat do të zhvillohen deri në fund të këtij viti.
Gjatë këtij takimi, siç njoftohet në komunikatë u diskutua për ecurinë e inkasimit të të hyrave, për angazhimet e zyrtarëve në lehtësimin e përmbushjes së tatimeve.
”Po ashtu, u fol edhe për ecurinë e procesit të fiskalizimit, si dhe përkrahja e përgjithshme për proceset tatimore, në funksion të përmbushjes vullnetare të obligimeve tatimore”, njoftohet në komunikatën e ATK-së.
Në anën tjetër, zv/ministri i Financave tha se si çdoherë ATK do të ketë përkrahjen në ngritjen dhe fuqizimin e kapaciteteve të saj, për administrimin më të mirë të tatimeve./21Media