Hoxhaj: Regjimi i Vuçiqit organizoi protesta e tensione në bashkëpunim me grupin Wagner
(Lajm i përditësuar)
Nënkryetari i Kuvendit të Kosovës nga Partia Demokratike e Kosovës Enver Hoxhaj ka reaguar ndaj protestës së sotme në kufirin me Jarinjen.
Ai në një postim në Twitter ka thënë se regjimi serb është përgjegjësi i vetëm për tensionet e krijuara.
“Sot, në kufirin ndërmjet Kosovës dhe Serbisë, regjimi i Vuçiqit organizoi protesta dhe tensione në bashkëpunim me grupin Wagner që është i përfshirë në agresionin kundër Ukrainës. Kjo lojë e pistë e Beogradit ekziston për dekada. Regjimi serb është i vetmi përgjegjës për tensionet”, ka shkruar ai.
Bajqinovci për protestën në Jarinjë: Serbia vijon me skenarin e njëjtë të aplikuar në vitet 90’ta
Pas protestës së organizuar nga grupet djathtiste në pikën kufitare në Jarinjë ka reaguar deputeti i Lëvizjes Vetëvedosje, Mefail Bajqinovci.
Në një postim nC Facebook, Bajqinovci ka shkruar se Serbia po e vijon skenarin e viteve të ’90-ta në Ballkan, duke shtuar se Serbia është në krah me Rusinë dhe Kinën, kurse Kosova me SHBA-të, BE-në dhe Mbretërinë e Bashkuar.