Banorëve të Kievit u kërkohet të rezervojnë ujë

Kryebashkiaku i Kievit u ka bërë thirrje banorëve që të grumbullojnë ujë nga dyqanet dhe stacionet e pompimit, pasi sulmi rus në një impiant energjetik la një përqindje të madhe të popullsisë së kryeqytetit pa ujë të hënën.
“Aktualisht, për shkak të dëmtimit të objektit energjetik pranë Kievit, 80% e konsumatorëve të kryeqytetit mbeten pa furnizim me ujë”, tha Vitali Klitschko në Telegram.
“Për çdo rast, ju kërkojmë të rezervoni ujë nga pompat dhe pikat më të afërta të shitjes. Specialistët po bëjnë gjithçka që është e mundur për të kthyer ujin në banesat e banorëve të Kievit”, tha tutje Klitschko.
Një kompani ujësjellësi me qendër në kryeqytet ka publikuar një hartë ku shfaqen vendndodhjet e pompave që janë ende në funksion.

Moska shënjestroi një valë të re të sulmeve me raketa në infrastrukturën kritike në qytetet kryesore të Ukrainës të hënën, duke ndërprerë gjithashtu furnizimin me energji elektrike në të gjithë vendin./21Media

Back to top button