Aksident në Itali, një grua dhe tre fëmijë shqiptarë të vdekur

Një makinë është përplasur në një shtëpi të braktisur dhe nga përplasja kanë humbur jetën një 22-vjeçare dhe tre fëmijë, dy nga 10 vjeç dhe 12 vjeçar, ndërsa burri që drejtonte ka mbetur i lënduar rëndë.
Aksidenti ka ndodhur rreth orës 20:00 në Via Emilia midis Cade dhe Villa Gaida, në provincën e Reggio Emilia, drejt Parmës, përcjell rtv21.tv
Makina, një Fiat Stilo, po shkonte në drejtim të Sant’Ilario, kur drejtuesi i mjetit, për arsye të kontrolluara nga policia lokale, ka humbur kontrollin dhe ka dalur nga rruga, ku është përplasur me një shtëpi. Zjarrfikësit kanë ndërhyrë për nxjerrjen e personave brenda llamarinave të përdredhur të makinës dhe ndërhyrja ka zgjatur deri vonë. I lënduari është dërguar në gjendje shumë të rëndë në spitalin Reggio Emilia, , raporton Rainews
Viktimat janë me origjinë shqiptare dhe nuk dihet nëse janë pjesë e një familjeje të vetme. Nga informacionet e para të mbledhura, e reja do të ishte nëna e fëmijës më të vogël./21Media