Basha: Kosova ka të drejtën për reciprocitet si shtet
Pasi Kosova ka vendosur masë reciprociteti ndaj Serbisë për targa të automjeteve, reagoi edhe Kryetari i Partisë Demokratike të Shqipërisë Lulzim Basha.
Ai në një postim në Twitter tha se gjuha kërcënuese e Beogradit i përket së kaluarës dhe si e tillë ajo nuk mund të kthehet. Sipas tij, Kosova ka të drejtën për reciprocitet si shtet.
1/3 Gjuha kërcënuese e Beogradit i përket një të shkuare që askush nuk e kthen dot më! Kosova është shtet i pavarur dhe marrëdhëniet mes dy shtetesh sovrane funksionojnë mbi baza reciprociteti.
— Lulzim Basha (@lulzimbasha_al) September 21, 2021
Të hënën, autoritetet kosovare nisën me zbatimin e kësaj mase. Si pasojë qytetarë serbë nisën të protestojnë duke bllokuar rrugët që çojnë në pikat kufitare në Bërnjak dhe Jarinjë në veri të Kosovës/21Media