Bekë Berisha ia përmend Sveçlës deklaratat për oligarkët

Sot gjatë raportimit të ministrit të Punëve të Brendshme, Xhelal Sveçla në Komisionin parlamentar për Çështje të Sigurisë dhe Mbrojtjes, kryetari i këtij Komisioni, Bekë Berisha e ka pyetur Sveçlën, se pse nuk po arrestohen oligarkët apo ndonjë komandant i policisë, por zyrtarët e thjeshtë policorë.
”A ish dashtë me dhënë dorëheqje naj kush për shkak të numrit kaq të madhe dhe të korrupsionit të këtyre policëve. Ju i keni pasur në maje të gjuhës oligarkët. Nuk po e shohim që e keni arrestuar ndonjë kësi oligarkë, ndonjë komandantë të policisë, pse s’po i arrestoni ata, por ata policët e vogël”, ka pyetur Berisha.
Ndërsa, Sveçla iu është përgjigjur se Kosova duhet të ketë një forcë me kredibilitet maksimal në mënyrë që të arrihet arrestimi i tyre.